[moon] home
IPv4

Channsson do`ill mot son plan e prim

This is a really old Provençal song.
parent
[parent webpage]

server
[webserver base]

search
[search erlkonig webpages]

trust
[import certificates]


homes
[talisman]
[zoion]
  1. Channsson do`ill mot son plan e prim
    Farai puois que botono`ill vim
    E l`aussor cim
    Son de color
    De mainta flore
    Verdeia la fuoilla
    E`il chan e`il braill
    Son a l`ombraill
    Dels auzels per la bruoilla.
  2. Pel bruoill aug lo chan e`l refrim
    E per q`om no m`en fassa crim
    Obre e lim
    Motz de valor
    Ab art d`amor
    Don non ai cor qe`m tuoilla
    Ans si be`m faill
    La sec a traill
    On plus vas mi s`orguoilla.
  3. Val orguoill petit d`amador
    Que leu trabucha son seignor
    Del luoc aussor
    Ius al terraill
    Per tal trebaill
    Que de ioi lo despuoilla
    Dreitz es lagrim
    Et ard` a rim
    Qi-`ncontr` amor ianguoilla.
  4. Per ianguoill ges no`m vir aillor
    Bona dompna, ves cui ador
    Mas per paor
    Del devinaill
    Don iois trassaill
    Fatz semblan que no`us vuoilla
    C`anc no`ns guazim
    De lor noirim
    Mal m`es que lor acuoilla.
  5. Si ben m`acuoill tot a esdaill
    Mos pessamens lai vos assaill
    Q`ieu chant a vaill
    Pel ioi qe`ns fim
    Lai o`ns partim
    Dont sovens l`uoills mi muoilla
    D`ir` e de plor
    E de doussor
    Car per ioi ai qe`m duoilla.
  6. Ges no`m duoill d`amor don badaill
    Ni non sec mesura ni taill
    Sol m`o egaill
    Que anq no vim
    Del temps Caym Amador meins acuoilla
    Cor trichador
    Ni bauzador
    Per que mos iois capduoilla.
  7. Bella, qui qe`is destuoilla
    Arnautz dreich cor
    Lai o`us honor
    Car vostre pretz capduoilla.
encrypt lang [de jp fr] diff backlinks (sec) validate printable
Cogito ergo spud (I think therefore I yam).
[ Your browser's CSS support is broken. Upgrade! ]
alexsiodhe, christopher north-keys, christopher alex north-keys